Хто прыдумаў для Лукашэнкі новы стыль — бомберы з кароткім рукавом
Бомбер — гэта тып курткі з гумкай на рукавах і поясе. У час Другой сусветнай вайны іх прыдумалі для амерыканскі пілотаў. Для працоўных паездак Аляксандра Лукашэнкі ў спёку стварылі сваю мадэль.
19.08.2024 / 09:59
Лукашэнка ў працоўнай паездцы. Скрын відэа БТ
Адзенне Лукашэнку і многім чыноўнікам адшываюць у дзяржаўным атэлье LineA. Льняныя бомберы з кароткім рукавом, у якіх палітык не раз з'яўляўся на публіцы летам, зрабілі там жа.
«Нам прывезлі тканіну Аршанскага льнокамбіната, і была задача нешта з гэтага зрабіць цікавае. Адзенне, якое можна ў камандзіроўку надзець і камфортна сябе адчуваць», — расказала на БТ Ірына Пятрова, вядучы канструктар аддзела падрыхтоўкі вытворчасці службы па аказанні бытавых паслуг, якая працуе з Лукашэнкам амаль 10 гадоў.
Лукашэнка ў працоўнай паездцы. Скрын відэа БТ
«І я, і краўцы, якія шыюць гэтыя рэчы, абавязкова адглядаем усе замежныя паездкі і па нашай краіне працоўныя візіты. Вельмі ганарымся, калі ён у нашым адзенні і добра выглядае, яму камфортна», — дадала яна.