Nastupny pierapis nasielnictva praviaduć u 2029 hodzie
Pierapis nasielnictva ŭ Biełarusi tradycyjna pravodziać raz na 10 hadoŭ. Apošni byŭ u 2019-m.
19.08.2024 / 11:34
Nastupny pierapis nasielnictva płanujuć na 2029 hod, paviedamiła kiraŭnica Nacyjanalnaha statystyčnaha kamiteta Ina Miadźviedzieva ŭ efiry STB.
«Viadoma ž, my pracujem (i ŭvieś śviet) nad tym, jakija technałohii buduć vykarystoŭvacca pry jaho praviadzieńni, jakija administracyjnyja krynicy danych nieabchodna budzie vykarystoŭvać i padklučać, kab spraścić nasielnictvu zapaŭnieńnie pierapisnych listoŭ pry praviadzieńni pierapisu», — raskazała Miadźviedzieva.
Apošni pierapis pakazaŭ, što ŭ krainie pražyvała 9 młn 413 tysiač čałaviek.