U Rastoŭskaj vobłaści druhija sutki haryć atakavanaja bieśpiłotnikami naftabaza
Atakavali naftabazu 18 žniŭnia, patušyć pažar nie mohuć užo druhija sutki. Pry hetym rasijskija ŭłady kažuć pra pažar na pramskładzie.
19.08.2024 / 12:32
Skrynšot videa VČK-ADPU
Naftabaza ŭ Praletarsku Rastoŭskaj vobłaści była atakavanaja bieśpiłotnikami 18 žniŭnia. Pryčym miascovyja ŭłady zajaŭlali pra dźvie chvali napadaŭ dronaŭ, jakija rasijskija SPA nibyta adbili.
Tym nie mienš na naftabazie pačaŭsia mocny pažar. Hubiernatar Rastoŭskaj vobłaści Vasil Hołubieŭ zajaŭlaŭ pra toje, što harać pramskład i dyzielnaje paliva, a ŭźnik pažar, ź jahonych słoŭ, z-za padzieńnia abłomkaŭ dronaŭ. Pavodle jaho źviestak, paciarpieli 18 čałaviek.
19 žniŭnia rasijskija kanały raspaŭsiudzili videa z naftabazy-pažar nie likvidavany. Pa dadzienych miascovaha partała 161.ru, słup dymu bačny za 90 kiłamietraŭ.
Pažarnyja bryhady na miescy źmianiajuć adzin adnaho, ale nie mohuć skaracić płošču pažaru. Siońnia ž miascovyja ŭłady ŭviali režym nadzvyčajnaj situcyi ŭ Praletarsku.