MUS Litvy patłumačyła, čamu ŭzmacnili pravierku emihrantaŭ ź Biełarusi
Litoŭski partał LRT.lt apublikavaŭ artykuł pra pahrozu infiltracyi KDB u šerahi biełaruskich aktyvistaŭ. Siarod inšaha aŭtary ŭziali kamientaryj MUS Litvy na hety kont.
19.08.2024 / 16:45
Vilnia, 9 žniŭnia 2024 hoda
Namieśnik ministra ŭnutranych spraŭ Litvy Arnoldas Abramavičus paviedamiŭ vydańniu, što ciapier prašeńni biełarusaŭ na prytułak praviarajucca bolš staranna mienavita praz pahrozu infiltracyi ahientaŭ KDB.
«Mietady pracy režymu mohuć być roznymi — heta mohuć być ludzi, ukaranionyja z samaha pačatku. Moža być, režym vyjaviŭ niejkija słabyja miescy, źviazanyja ź blizkimi, svajakami, majomaściu», — skazaŭ Abramavičus.
«Tyja, chto chacieŭ pakinuć krainu, zrabili heta adrazu [raniej]. Usie astatnija praviarajucca vielmi staranna.
My bolš stroha praviarajem asob, jakija zapytvajuć status uciekača i jakija zajaŭlajuć, što jany źjaŭlajucca pradstaŭnikami biełaruskaj demakratyčnaj apazicyi», — dadaŭ jon.