La bierahoŭ Italii pierakuliłasia i zatanuła raskošnaja jachta
Adzin čałaviek zahinuŭ, šaściora prapali bieź viestak, piša BBC.
19.08.2024 / 18:37
Pa paviedamleńniach italjanskaj bierahavoj achovy, parusnaja jachta Bayesian trapiła ŭ niečakana mocny štorm i zatanuła niedaloka ad stalicy Sicylii Palerma rana ranicaj u paniadziełak. Adzin čałaviek zahinuŭ i šeść čałaviek prapali bieź viestak.
Jachta Bayesian daŭžynioj 56 mietraŭ była zarehistravanaja ŭ Vialikabrytanii.
Na borcie sudna znachodzilisia 22 čałavieki.
Pa dadzienych bierahavoj achovy, źnikłyja byli hramadzianami Vialikabrytanii, Amieryki i Kanady. Siarod 15 vyratavanych było adnahadovaje dzicia.
U apošnija dni paśla niekalkich tydniaŭ mocnaj śpiakoty na Italiju abrynulisia štarmy i praliŭnyja daždžy, pavodki i apoŭźni nanieśli surjozny ŭron paŭnočnaj častcy krainy.
«Viecier byŭ vielmi mocnym. Niepahadź čakałasia, ale nie takoha maštabu», — paviedamiŭ pradstaŭnik bierahavoj achovy ŭ Palerma.