Rasijanie ŭdaryli pa dziciačym kafe ŭ Zaparožskaj vobłaści
Pa słovach kiraŭnika Zaparožskaj abładministracyi Ivana Fiodarava, udar pryjšoŭsia na pasiołak haradskoha typu Małakaciarynaŭka. «Vorah trapiŭ prosta ŭ dziciačaje kafe», — napisaŭ jon.
20.08.2024 / 20:34
U vyniku hetaha ŭdaru paciarpieli čaćviora dziaciej va ŭzroście ad 11 da 17 hadoŭ, a taksama 18-hadovaja dziaŭčyna.
15-hadovy chłopiec dastaŭleny ŭ abłasnuju kliničnuju balnicu ŭ nieprytomnaści, stan inšych paciarpiełych stabilny, paviedamiła Nacpalicyja.
Paźniej stała viadoma, što padletak pamior.