Akcior-kupałaviec Dźmitryj Jesianievič, jaki sutyknuŭsia z represijami, zmoh vyjechać ź Biełarusi
Akcior trapiŭ na sutki ŭ mai 2024 hoda, ale infarmacyja pra jahony pieraśled nie apubličvałasia.
21.08.2024 / 01:19
Dźmitryj Jesianievič
Dźmitryj Jesianievič byŭ zatrymany ŭ mai 2024 hoda, kali vyjazdžaŭ ź Biełarusi na hastroli. U siłavikoŭ uźnikli pytańni da akciora Kupałaŭskaha teatra i ŭdzielnika dueta «Čynčynčeneł».
Jesianievič trapiŭ na sutki, ale infarmacyja pra jahony pieraśled nie apubličvałasia.
Jak ciapier stała viadoma, akcior zmoh vyjechać ź Biełarusi. Pra heta paviedamiŭ Andrej Stryžak.
***
Dźmitryj Jesianievič naradziŭsia ŭ 1981 hodzie ŭ Červieńskim rajonie. U 2003 hodzie skončyŭ teatralny fakultet Biełaruskaj dziaržaŭnaj akademii mastactvaŭ pa śpiecyjalnaści «Akciorskaje mastactva dramatyčnaha teatra i kino». U 2003—2020 pracavaŭ u Nacyjanalnym akademičnym teatry imia Janki Kupały. U 2020 razam z bolšaściu trupy i inšymi supracoŭnikami teatra zvolniŭsia ŭ znak pratestu.