Kachańnie prajšło. Džej Ło i Bien Aflek sapraŭdy razvodziacca
Śpiavačka Dženifier Łopies padała zajavu na skasavańnie šlubu z akcioram Benam Aflekam, piša amierykanski partał TMZ.
21.08.2024 / 09:44
Aflek i Łopies na premjery muzykalnaha filma pra śpiavačku «Heta ja… zaraz: historyja kachańnia» ŭ lutym 2024 hoda. Fota: Axelle / Bauer-Griffin / FilmMagic
Adnosiny zornaj pary pačalisia jašče ŭ pačatku nulavych, viasielle adbyłosia tolki ŭ 2022. Napieradzie ŭ Afleka i Łopies doŭhaja sprečka nakont padziełu majomaści.
Para paznajomiłasia ŭ śniežni 2001 hoda na zdymkach ramantyčnaj kamiedyi «Džyli». Nieŭzabavie jany pačali sustrakacca, a ŭ listapadzie 2002-ha Ben Aflek zrabiŭ Džej Ło prapanovu ruki i serca. Adnak da ałtara jany tak i nie dajšli, admianiŭšy viasielle za niekalki dzion da pryznačanaj daty.
U 2021-m jany adnavili svaje stasunki, a ŭžo praź niekalki miesiacaŭ Ben znoŭ prapanavaŭ Dženifier stać jaho žonkaj. Uletku 2022 hoda stała viadoma, što jany tajemna pažanilisia, a zatym zhulali viasielle ŭ majontku akciora ŭ Džordžyi
A paru tydniaŭ tamu Džej Ło «vypadkova zaśviaciła» ruku bieź piarścionka.
Džej Ło pierastała nasić zaručalny piarścionak. Kaniec historyi kachańnia
Dženifier Łopies i Ben Aflek vystavili na prodaž šykoŭny asabniak u Bievierli-Chiłz FOTY