У верасні пачнецца суд над Юліяй Краўцовай, якую затрымалі падчас рэйду КДБ на сваякоў палітвязняў
На цяперашні момант праваабаронцам вядома пра дзевяць судоў над затрыманымі падчас студзеньскага рэйду КДБ.
21.08.2024 / 12:42
47-гадовую палітзняволеную затрымалі 23 студзеня 2024 года падчас масавага рэйду сілавікоў за дапамогу палітвязням. Ёй выставілі абвінавачванне па ч. 1 і ч. 2 арт. 361-4 Крымінальнага кодэкса (садзейнічанне экстрэмісцкай дзейнасці), піша «Вясна».
Справу жанчыны пачнуць разглядаць 3 верасня ў Мінскім абласным судзе. Працэс будзе весці суддзя Аляксандр Рыбакоў.
На цяперашні момант праваабаронцам вядома пра дзевяць судоў над затрыманымі падчас студзеньскага рэйду КДБ.
Месца ўтрымання Юліі: Следчая турма № 8. 222163, г. Жодзіна, вул. Савецкая, 22А, Юлія Валер'еўна Краўцова