Stała viadoma proźvišča jašče adnaho pamiłavanaha palitviaźnia
Na svabodu vyjšaŭ palitviazień Jaŭhien Čumiła. Pra heta paviedamiŭ prapahandyst Jury Vaskrasienski padčas strymu 21 žniŭnia ŭ Ryhora Azaronka, zaŭvažyła «Lusterka».
21.08.2024 / 21:57
Jaŭhien Čumiła. Fota: prisoners.spring96.org
Jaŭhienu 31 hod. U mai 2022 hoda Homielski abłasny sud pryznaŭ jaho vinavatym pa artykułach ab abrazie pradstaŭnika ŭłady, Alaksandra Łukašenki, sudździ i raspalvańni varožaści.
Jaho pryhavaryli da pazbaŭleńnia voli, ale termin pravaabaroncam nieviadomy.
Pakarańnie Jaŭhien Čumiła adbyvaŭ u papraŭčaj kałonii №17.
Alaksandr Łukašenka 16 žniŭnia padpisaŭ ukaz ab pamiłavańni 30 asob, asudžanych za «złačynstvy pratesnaj nakiravanaści». Siarod pamiłavanych 14 žančyn i 16 mužčyn, niekatoryja ź ich majuć surjoznyja zachvorvańni. Taksama jość piensijaniery. Kankretnyja proźviščy pamiłavanych nie nazyvajucca, sam ukaz nie publikavaŭsia.
Dniami stała viadoma, što siarod tych, chto vyjšaŭ na volu, apynulisia Ksienija Łuckina, Volha Novikava, Iryna Sankoŭskaja, Ała Zujeva, Volha Stabroŭskaja, Kaciaryna Leŭ, Tamara Karavaj, Śviatłana Paŭektava, Natalla Piatrovič i adzin z samych uzrostavych biełaruskich palitviaźniaŭ, kiraŭnik aršanskaha niezaležnaha prafsajuzu REP Vasil Bieraśnieŭ.