Украінцы спрабавалі прарвацца ў Клімаўскі раён Бранскай вобласці — ён мяжуе з Беларуссю
Z-ваенкоры паведамляюць, што ў раёне дзейнічаюць украінскія ДРГ.
21.08.2024 / 22:54
Больш за 200 украінскіх вайскоўцаў двойчы спрабавалі зайсці на тэрыторыю РФ у раёне пасёлка Забрама Клімаўскага раёна Бранскай вобласці, пішуць расійскія СМІ, звязаныя з уладамі. Тры БМП і байцоў заўважылі паблізу мяжы прыкладна ў 19:10. Праз паўгадзіны баёў (да 19:40) УСУ адступілі з стратамі. Да 20:30 пачалася другая хваля атакі з падмацаваннем. Прыкладна ў 21:00 ДРГ адступіла, сцвярджаюць у Маскве.
Зараз уезд у Клімаўскі раён перакрыты блокпастамі.
Z-ваенкоры паведамляюць, што ў раёне дзейнічаюць украінскія ДРГ. На іх думку, УСУ хочуць блакаваць частку расейска-беларускай мяжы.
Пацвердзіў баявыя дзеянні на мяжы губернатар Бранскай вобласці Аляксандр Багамаз. Ён адрапартаваў, што расійскія войскі адбілі атаку.
Украінцы аператыўныя падзеі ў Курскай вобласці ніяк не каментуюць.
Клімаўскі раён знаходзіцца на стыку межаў Расіі, Беларусі і Украіны.
Украінскія махляры развялі z-канал «Два маёры» на рыштунак для УСУ
Украінцы прасоўваюцца да райцэнтра Вялікае Салдацкае — курскія паблікі
Як памылка генерала зрабіла мяжу Расіі ўразлівай