U Biełarusi źjaviłasia jašče adna sietka ałkamarkietaŭ
U Minsku adčynilisia try kramy novaj sietki ałkamarkietaŭ «Piać zorak». Jaje zapuściła kampanija «Minsk Kryštal Trejd».
22.08.2024 / 10:47
Sietka ałkamarkietaŭ «Piać zorak». Fota: alcotrade.by
Heta kramy farmatu «kala doma». Tam buduć pradavać impartny i ajčynny ałkahol. A taksama charčovyja tavary — małočnuju i miasnuju pradukcyju, morapradukty, prysmaki.
Kampanija, jakaja zapuściła sietku, naležyć dziaržaŭnamu chołdynhu «Minsk Kryštal Hrup».
Da kanca žniŭnia płanujuć adkryć jašče dźvie kramy sietki. A ŭ budučyni kampanija choča zaniać usie rehijony krainy.
U «Minsk Kryštal Trejda» ŭžo jość adna sietka ałkamarkietaŭ pad brendam «Minsk Kryštal». Usiaho takich kram 122, jany jość u 54 nasielenych punktach Biełarusi.