U aŭstralijskim Mielburnie pasažyr samalota paśla pryziamleńnia źbieh praz avaryjny vychad
Imavierna, adzin z pasažyraŭ rejsa ź Sidneja ŭ Mielburn vielmi śpiašaŭsia-nastolki, što adrazu paśla pasadki mužčyna kinuŭsia da avaryjnaha vychadu, adkryŭ jaho i pasprabavaŭ vybracca z samalota, piša Bild.
22.08.2024 / 13:37
Bild
Śpiecyjalnaja vyratavalnaja horka avaryjnaha vychadu aŭtamatyčna vysunułasia, adnak mužčyna praihnaravaŭ jaje i palez na kryło samalota, kab potym saskočyć ź jaho na ziamlu. Pa słovach vidavočcaŭ, inšyja pasažyry stali kryčać mužčynu, kab jon sieŭ na svajo miesca, adnak jon praihnaravaŭ usie zakliki.
Aŭstralijskija palicejskija zatrymali mužčynu pa padazreńni ŭ «ahresiŭnych pavodzinach i parušeńni pratakołaŭ biaśpieki avijapieravozak».
Paśla incydentu parušalnika ahledzieli miedyki, jaho dastavili ŭ balnicu, dzie jon zastajecca pad nahladam lekaraŭ. Matyvy jaho ŭčynku dahetul nieviadomyja.