U Bresckim rajonie nakryli sakretny punkt pa vytvorčaści bieśpiłotnikaŭ
Učora bresckija pamiežniki praviali ahlad niežyłych pamiaškańniaŭ u adnoj ź viosak. U pabudovach vyjaŭlenyja i kanfiskavanyja siem bieśpiłotnikaŭ samalotnaha typu, anteny, akumulatary, pulty kiravańnia, ciepłavizar i inšyja kamplektujučyja.
22.08.2024 / 14:10
Skrynšot videa Pamiežny kamitet
Usie pradmiety naležać trom hramadzianam Biełarusi. U dačynieńni da mužčyn pačaty administracyjny praces, raspaviali ŭ DPK.
Zaraz pravodziacca dalejšyja apieratyŭna-vyšukovyja mierapryjemstvy dla ŭstanaŭleńnia ŭsich faktaŭ supraćpraŭnaj dziejnaści złamyśnikaŭ.
Nahadvajem, što z 1 krasavika ŭstupiŭ u siłu ŭkaz Łukašenki «Ab dziaržaŭnym uliku i ekspłuatacyi hramadzianskich bieśpiłotnych latalnych aparataŭ». Dakumientam zabaraniajecca ŭvoz, zachoŭvańnie, abarot, ekspłuatacyju i vyrab bieśpiłotnikaŭ i vykarystańnie pavietranaj prastory Respubliki Biełaruś biez naležnaha dazvołu. Inakš štraf da 50 bazavych.