Ukraincy nanieśli ŭdar pa paromie z palivam u Kierčanskim pralivie. Parom zatanuŭ
Abnoŭlena
U sudna «Konro Triejdier» prylacieła kryłataja rakieta «Nieptun».
22.08.2024 / 17:20
Apieratyŭny štab Krasnadarskaha kraju zajaviŭ, što ŭdar byŭ naniesieny pa paromie, zahružanym čyhunačnymi cysternami z palivam. Rasijskija ŚMI vykazvajuć mierkavańnie, što ŭ sudna «Konro Triejdier» prylacieła kryłataja rakieta «Nieptun».
U vyniku atrymanych paškodžańniaŭ parom u akvatoryi porta «Kaŭkaz» zatanuŭ, paviedamiŭ apierštab Kubani.
Pavodle pablika «Krymski viecier», rasijanie pieravozili paliva vyklučna paromami ŭ čyhunačnych cysternach. Jany bajalisia, što ŭ vyniku papadańnia rakiety pa ciahniku z palivam most abryniecca.
«Konrad» — adziny čyhunačny parom siarod šaści paromaŭ na Kierčanskaj pierapravie, dadajuć «Važnyja historyi».
Prajezd pa Krymskim moście zakryty.