Urahan sarvaŭ dachi damoŭ u vioscy Chlupičy ŭ Karelickim rajonie
Udar stychii zaznała vioska Chlupičy Karelickaha rajona, paviedamili BIEŁTA u pres-słužbie Hrodzienskaha abłvykankama. Damy zastalisia biez dachaŭ. Stohadovyja drevy vyrvanyja z koraniem.
22.08.2024 / 17:56
Fota: pres-słužba Hrodzienskaha abłvykankama
U vyniku ŭzmacnieńnia vietru i navalničnaha frontu paškodžany dachi 19 damoŭ, 8 ź jakich vykarystoŭvajucca pad dačy. U vioscy ŭpała piać dreŭ.
U rajonie parušałasia elektrazabieśpiačeńnie troch nasielenych punktaŭ, avaryjnyja bryhady rajonnych elektryčnych sietak adnaŭlajuć elektrazabieśpiačeńnie.
Na ščaście, nichto ź ludziej nie paciarpieŭ.
U bližejšy čas budzie adnoŭlena padača elektryčnaści. Na miesca zdareńnia vyjechali pradstaŭniki budaŭničych arhanizacyj, raspačaty adnaŭlenčyja raboty. Praciahvajecca rasčystka daroh i prylehłaj terytoryi ad pavalenych dreŭ.
U rajon pryjechaŭ staršynia Hrodzienskaha abłvykankama Uładzimir Karanik. Jon paabiacaŭ, što ludziam padviazuć usie nieabchodnyja budmateryjały i šyfier.