U Biełarusi ludziam na poštu stali prychodzić dziŭnyja pasyłki
Što rabić u takoj situacyi?
23.08.2024 / 09:33
Blizko.by
Nacyjanalny centr abarony piersanalnych źviestak pravodzić pravierku pa skarhach hramadzian na dziŭnyja paštovyja adpraŭleńni. Pra heta paviedamlaje arhanizacyja ŭ svaim telehram-kanale, piša Blizko.by.
Schiema machlarstva z «padarunkavymi kartami» pryciahvaje ŭvahu kampietentnych orhanaŭ. Tak, niekalki pradprymalnikaŭ, dziejničajučy pa adzinym scenary, rassyłajuć na imia ludziej pasyłki z nakładzienym płaciažom.
Unutry jaje, jak praviła, vyjaŭlajucca tolki niepatrebnyja pradmiety, jakija nie dajuć prava na biaspłatnaje atrymańnie tavaru. Atrymalniki vymušanyja płacić za pasyłku, ale ŭ vyniku zastajucca biez abiacanaha tavaru.
Što ž rabić u takoj situacyi? Kali vam pastupajuć takija paštovyja adpraŭleńni ad nieznajomych asob biez adpaviednych pravavych padstaŭ (naprykład, dahavora abo zhody), śpiecyjalisty rekamiendujuć:
- zafiksavać infarmacyju ab adpraŭniku;
- nakiravać jamu zajavu ab spynieńni niezakonnaj apracoŭki vašych piersanalnych źviestak;
- źviarnucca ŭ orhany ŭnutranych spraŭ z zajavaj ab pačatku administracyjnaha pracesu pa artykule 23.7 KaAP;
- padać skarhu ŭ centr abarony piersanalnych danych.
Taksama nikoli nie pieradavajcie asabistuju infarmacyju nieznajomcam.