Naftabazu ŭ Rastoŭskaj vobłaści, jakaja haryć šostyja sutki, znoŭ atakavaŭ bieśpiłotnik
U vyniku padzieńnia drona nichto nie paciarpieŭ.
23.08.2024 / 10:01
Fota: Baza
Naftabazu ŭ Praletarsku Rastoŭskaj vobłaści Rasii, jakaja haryć užo šosty dzień, znoŭ atakavaŭ bieśpiłotnik, piša Baza sa spasyłkaj na krynicy.
Ź ich słoŭ, bieśpiłotnik pasprabavaŭ atakavać terytoryju naftabazy blizu 5 ranicy. Pavodle papiarednich źviestak, u vyniku padzieńnia drona nichto nie paciarpieŭ.
Aficyjnaj infarmacyi ab novaj sprobie ataki pakul niama. Nahadajem, naftabaza zaharełasia 18 žniŭnia paśla ataki bieśpiłotnikaŭ.