Pad Mazyrom mužčyna vyrašyŭ papravić zaradnuju pryładu blutuz-kałonki i byŭ zabity ŭdaram toku
Niaščaście zdaryłasia ŭ ahraharadku Asaviec, u dvary doma sabrałasia kampanija z čatyroch čałaviek.
23.08.2024 / 12:05
U altancy viaskoŭcy zładzili zastolle i słuchali blutuz-kałonku, jakaja stajała na zaradcy, paviedamlaje Dziaržkamitet sudovych ekśpiertyz.
U niejki momant adzin z haściej ubačyŭ, što zaradnaja pryłada blutuz-kałonki, ź jakoj hrała muzyka, adklučyłasia ad razietki, i vyrašyŭ jaje papravić. Klemy padklučeńnia byli adkryty, da taho ž da ich padychodzili dva aholenyja draty.
Mužčyna atrymaŭ mahutny ŭdar tokam. Miedrabotniki, jakija prybyli, kanstatavali śmierć.
Sudmiedekśpierty pry ahladzie vyjavili na ruce zahinułaha adnu elektrapaznaku, jakaja paćviardžaje fakt udaru elektryčnym tokam.