Rasijskija sałdaty abrabavali skład Wildberries u Kurskaj vobłaści — videa
Troje rasijskich vajskoŭcaŭ zajšli na skład punkta vydačy zakazaŭ Wildberries u siale Zvanaje Kurskaj vobłaści i pačali adkryvać i vynosić pasyłki, adpraŭlenyja miascovym žycharam, piša telehram-kanała «Popieł».
23.08.2024 / 23:06
Kadr ź videa kamiery nazirańnia na składzie punkta vydačy zakazaŭ Wildberries
Heta trapiła na kamieru videanazirańnia za 23 žniŭnia.
Zvanaje znachodzicca ŭ 15 km ad miažy z Ukrainaj. USU nie paviedamlali, što kantralujuć hetaje siało.
Kramy ŭ Kurskim rajcentry Hłuškava taksama razrabavanyja maradziorami. Videa źjaviłasia ŭ miascovych pablikach. Hłuškava zastajecca pad kantrolem rasijskaj armii. Maradziorać tut, imavierna, ruskija bajcy.
Nahadajem, raniej rasijskija vajskoŭcy abrabavali sałon suviazi ŭ Kurskaj vobłaści. Heta trapiła na kamieru videanazirańnia. Na kadrach mužčyny ŭ rasijskaj vajskovaj formie łamali vitryny, vynosili techniku i sprabavali adčynić dźviery. Miarkujecca, što heta byli vajskoŭcy z bataljona «Achmat».