Maładoha kryptavalutčyka z Bresta chočuć raskułačyć na dva miljony dalaraŭ
U milicyi jaho nazyvajuć arhanizataram hrupy, jakaja zajmałasia niezakonnym abarotam kryptavaluty.
24.08.2024 / 14:04
Ilustracyjnaje fota: Paul Yeung/Bloomberg via Getty Images
U 27-hadovaha bieraściejca, zarehistravanaha jak indyvidualny pradprymalnik, chočuć kanfiskavać bolš za 2 młn dalaraŭ, paviedamlaje pres-słužba MUS.
«Z dapamohaj śpiecyjalizavanych biržaŭ małady čałaviek ździajśniaŭ ździełki pa abmienie kryptavaluty, u jakaści pasiarednika abnaličvajučy i kanviertujučy, u tym liku skradzienyja ŭ biełarusaŭ, hrošy. Dla tranzitu srodkaŭ vykarystaŭ zarehistravanyja na zamiežnych hramadzian bankaŭskija apłatnyja karty. Ahulny abarot nielehalnaha biznesu pieravysiŭ 2 młn dalaraŭ», — havorycca ŭ paviedamleńni.
U dačynieńni da jaho składzieny administracyjny pratakoł za niezakonnuju pradprymalnickuju dziejnaść. Jamu pahražaje bujny štraf i zvarot u dachod dziaržavy kanfiskavanaj kryptavaluty, a taksama ŭsioj sumy, jakaja prajšła praź jaho kašalki.