Mužčyna, jaki ŭčyniŭ terakt u Hiermanii na haradskim śviacie, zdaŭsia palicyi
Palicyja Hiermanii zatrymała mužčynu, jakoha padazrajuć u zabojstvie traich čałaviek na haradskim śviacie ŭ Zolinhienie ŭ piatnicu, 23 žniŭnia.
25.08.2024 / 09:01
«Čałaviek, jakoha my šukali ŭvieś dzień, tolki što byŭ zatrymany», — paviedamiŭ telekanału ARD ministr unutranych spraŭ ziamli Paŭnočny Rejn-Viestfalija Hierbiert Reuł. Jon nie pryvioŭ inšych padrabiaznaściaŭ.
ŚMI pišuć, što padazravany sam zdaŭsia ŭładam.
Pavodle Der Spiegel, 26-hadovy padazravany prybyŭ u Niamieččynu ŭ kancy śniežnia 2022 hoda i zapytaŭ prytułak. Jon nie znachodziŭsia ŭ poli zroku pravaachoŭnych orhanaŭ. Pa danych Bild, jon padyšoŭ da palicyjantaŭ uvieś u kryvi i skazaŭ: «Ja toj, kaho vy šukajecie».
Adkaznaść za napad u Zolinhienie ŭziała na siabie hrupoŭka «Isłamskaja dziaržava».
Śviatkavańnie 650-hodździa horada ŭ niamieckim Zolinhienie (fiederalnaja ziamla Paŭnočny Rejn — Viestfalija) u piatnicu, 23 žniŭnia, abiarnułasia trahiedyjaj. U siaredzinie prymierkavanaha da pamiatnaj daty «fiestyvalu raznastajnaści» na adnoj z centralnych płoščaŭ horada na prysutnych napaŭ nieviadomy z nažom.
U vyniku napadu byli zabityja jak minimum try čałavieki. Jašče vosiem čałaviek atrymali ranieńni.
Śviatkavańni, jakija pavinny byli praciahnucca da 25 žniŭnia, byli admienienyja.