У Расіі гарыць Омскі НПЗ — мясцовыя жыхары чулі магутны выбух
Плошча пажару на нафтаперапрацоўчым заводзе ў Сібіры — 1000 квадратных метраў.
26.08.2024 / 12:49
Скрыншот відэа: ВЧК-ОГПУ
На Омскім НПЗ адбыўся магутны выбух. Мясцовыя жыхары паведамляюць, што моцны хлапок быў чутны ў некалькіх раёнах горада.
У выніку выбуху на адной з установак НПЗ пачаўся пажар. Паводле звестак расійскіх тэлеграм-каналаў, плошча ўзгарання — 1000 квадратных метраў.
На самім НПЗ заявілі, што гарыць тэхналагічнае абсталяванне. Пры гэтым прэс-служба прадпрыемства запэўнівае, што завод працягвае працаваць у штатным рэжыме.
ОНПЗ з'яўляецца адным з найбуйнейшых нафтаперапрацоўчых заводаў Расіі.