U Rasii haryć Omski NPZ — miascovyja žychary čuli mahutny vybuch
Płošča pažaru na naftapierapracoŭčym zavodzie ŭ Sibiry — 1000 kvadratnych mietraŭ.
26.08.2024 / 12:49
Skrynšot videa: VČK-OHPU
Na Omskim NPZ adbyŭsia mahutny vybuch. Miascovyja žychary paviedamlajuć, što mocny chłapok byŭ čutny ŭ niekalkich rajonach horada.
U vyniku vybuchu na adnoj z ustanovak NPZ pačaŭsia pažar. Pavodle źviestak rasijskich telehram-kanałaŭ, płošča ŭzharańnia — 1000 kvadratnych mietraŭ.
Na samim NPZ zajavili, što haryć technałahičnaje abstalavańnie. Pry hetym pres-słužba pradpryjemstva zapeŭnivaje, što zavod praciahvaje pracavać u štatnym režymie.
ONPZ źjaŭlajecca adnym z najbujniejšych naftapierapracoŭčych zavodaŭ Rasii.