Ноччу Расія зноў атакавала Украіну
Сёння ноччу Расія здзейсніла чарговы ракетна-дронавы налёт на Украіну. Паветраную трывогу аб'яўлялі ва ўсіх рэгіёнах Украіны.
27.08.2024 / 07:46
Разбурэнні ў Крывым Розе
Расія другую ноч запар наносіць масіраваны камбінаваны ўдар па Украіне: услед за дзясяткамі дронаў-камікадзэ расійскія вайскоўцы запусцілі ракеты.
Перад гэтым расейцы запусцілі некалькі дзясяткаў «шахедаў», а таксама нанеслі ўдары, у прыватнасці, балістычнай ракетай па Крывым Рогу і трыма гіпергукавымі ракетамі «Кінжал» па захадзе Украіны. Там два чалавекі загінулі, пяцёра былі параненыя.
Рэжым паветранай трывогі і цяпер трывае амаль ва ўсіх абласцях паўночнай часткі Украіны.