Ukraina nie budzie praciahvać damovu z Rasijaj ab tranzicie hazu
Ukraina nie maje namieru praciahvać tranzitnuju damovu z Rasijaj pa hazie, termin dziejańnia jakoj zakančvajecca ŭ kancy 2024 hoda, zajaviŭ prezident Ukrainy Uładzimir Zialenski. Ale ŭ vypadku zapytu ź Jeŭropy ŭkraincy hatovyja abmiarkoŭvać tranzit hazu inšych pastaŭščykoŭ praz svaju transpartnuju sistemu, piša «Interfaks-Ukraina».
27.08.2024 / 16:48
Fota ilustracyjnaje
«Damovu z Rasijaj nichto praciahvać nie budzie, na hetym pastaŭlenaja kropka. Što tyčycca tranzitu hazu ad inšych kampanij, to, kali budzie praciahvacca zapyt niekatorych našych jeŭrapiejskich kalehaŭ, a my ŭsie ŭ Jeŭrasajuzie, to budziem razhladać ich prośbu», — skazaŭ Zialenski.
Taksama jon pry hetaj nahodzie adznačyŭ, što nie vałodaje infarmacyjaj pra niadaŭniuju sustreču prezidentaŭ Azierbajdžana i Rasii.
«Pra što havaryŭ stary dzied u Azierbajdžanie, mnie nieviadoma. Nie ŭpeŭnieny, što pra haz. Dumaju, što jość inšyja pytańni», — zajaviŭ Zialenski.
Rasijski vice-premjer Alaksandr Novak u lipieni adznačaŭ, što Rasija hatovaja pastaŭlać haz u Jeŭropu praz Ukrainu i paśla 2024 hoda, ale budučynia tranzitu zaležyć ad Kijeva.
Ukraina nie budzie praciahvać tranzitnaje pahadnieńnie z «Hazpramam»
Jeŭrasajuz razhladaje mahčymaść praciahnuć kantrakt z «Hazpramam» paśla 2024 hoda
Vienhryja i Słavakija paskardzilisia na Ukrainu ŭ Jeŭrasajuz
Słavakija i Vienhryja spyniajuć pampavać naftu praz trubapravod «Družba». Heta važna i dla Biełarusi