Kamisija Švieda tolki ciapier dazvoliła viarnucca ŭ futboł eks-kapitanu zbornaj Biełarusi. A jon užo skončyŭ karjeru
Niekalki dzion tamu znoŭ zasiadała kamisija pa viartańni na čale z hienprakuroram Andrejem Šviedam. Siońnia stali viadomyja dva imiony «pamiłavanych» — i heta zorki biełaruskaha sportu.
27.08.2024 / 17:41
Stanisłaŭ Drahun padčas tavaryskaj hulni Biełaruś-Uels. Fota: Nick Potts / PA Images via Getty Images
Havorka idzie pra dvuch viadomych biełaruskich futbalistaŭ — Stanisłava Drahuna i Andreja Chačaturana. Paviedamlajecca, što kamisija vyrašyła dapuścić Drahuna i Chačaturana da «prafiesijnaj dziejnaści ŭ śfiery sportu».
Najbolš viadomy z hetych futbalistaŭ — Stanisłaŭ Drahun. Niekali kapitan biełaruskaj zbornaj, jon šmat hadoŭ addaŭ hulni za BATE, a potym za svaju pazicyju ŭ 2020-m trapiŭ u čornyja śpisy Minsportu.
Stanisłaŭ hulaŭ za BATE da kanca 2022-ha, ale novaha kantraktu z kłubam jon nie ŭbačyŭ i ŭ červieni 2023-ha skončyŭ karjeru. Ale biez spravy nie siadzić — Stanisłaŭ raźvivaje svaju amatarskuju kamandu DMedia, dzie razam hrajuć vybitnyja eks-futbalisty i błohiery.
Chačaturan — jašče adzin hulec, jaki trapiŭ u čornyja śpisy Minsportu. Były paŭabaronca «Tarpieda-BiełAZ» i eks-hulec zbornaj, jon ciapier vystupaje za «Maksłajn» — kłub pieršaj lihi z Rahačova.
U Biełarusi stvarajuć miedyjny futbolny kłub
12-hadovy Alaksiej Majoraŭ: Ci mahu ja dabicca bolšaha, čym Hleb? Kaniečnie!
Aryna Sabalenka trapiła ŭ top samych vysokaapłatnych tenisistaŭ. Kolki jana zarabiła za hod?