Samy papularny vydaviec mabilnych hulniaŭ zakryvaje ofis u Minsku. Raniej jon abiacaŭ nie pakidać PVT
Kampanija «Kažyhulni» — biełaruskaja jurydyčnaja asoba papularnaha pablišara SayGames — likvidujecca. Pra heta paviedamlajecca na kartoteka.by, piša dev.by.
28.08.2024 / 10:59
Aficyjna likvidacyja kampanii pačałasia 19 červienia. Rašeńnie było pryniata ŭłaśnikam. Pry hetym kampaniju jašče nie vydalili sa śpisu rezidentaŭ na sajcie PVT.
SayGames źjaŭlajecca adnym z samych paśpiachovych prajektaŭ ź biełaruskimi karaniami pa stvareńni mabilnych hulniaŭ.
Kampanija była zasnavana ŭ 2017 hodzie. Suzasnavalnik i hiendyrektar — Jahor Vajchanski.
Na hety momant u partfolia pablišara 100+ zapuščanych prajektaŭ i bolš za 4 miljardy zahruzak pa ŭsim śviecie.
SayGames — samy papularny vydaviec mabilnych hulniaŭ ź biełaruskimi karaniami. Hulni SayGames pieryjadyčna stanavilisia chitami, a kampanija akazvałasia ŭ suśvietnym top-10.