25 tysiač — u stolki razoŭ vyraśli spažyvieckija ceny za čas znachodžańnia Łukašenki va ŭładzie
U 25 743 razy vyraśli spažyvieckija ceny ŭ Biełarusi za 30 hadoŭ znachodžańnia Alaksandra Łukašenki va ŭładzie, śviedčyć praviedzieny «Pozirkam» analiz źviestak Biełstata za pieryjad sa žniŭnia 1994 hoda da lipienia 2024-ha.
28.08.2024 / 11:25
Najbolšaja inflacyja była zafiksavana ŭ žniŭni — śniežni 1994 hoda, kali ceny vyraśli ŭ 4,46 raza.
U piaciorku kalandarnych hadoŭ z samym značnym rostam cenaŭ (śniežań da śniežnia) uvajšli 1999-y (u 3,51 raza), 1995-y (u 3,44 raza), 1998-y (u 2,82 raza), 2011-y (u 2,09 raza) i 2000-y (u 2,08 raza).
Dla paraŭnańnia: za 30 hadoŭ, sa žniŭnia 1994-ha da lipienia 2024 hoda, spažyvieckija ceny ŭ Litvie vyraśli ŭ 3,3 raza, Polščy — u 5,1 raza, Rasii — u 128,2 raza.