Zahadčycu terapieŭtyčnaha adździaleńnia Sieńnienskaj rajbalnicy sudzili za ekstremizm
Volhu Vasilonak, jakaja pracavała ŭ Sieńnienskaj CRB, 27 žniŭnia sudzili za «raspaŭsiud ekstremizmu». I padobna, što žančynu ŭžo zvolnili z pracy, piša «Viciebskaja Viasna».
28.08.2024 / 13:04
Volha Vasilonak
Spadaryniu Vasilonak u Sianno viedajuć jak dobraha kardyjołaha. Jaje imia da niadaŭniaha času značyłasia ŭ raskładzie Sieńnienskaj rajbalnicy ŭ jakaści zahadčycy terapieŭtyčnaha adździaleńnia. Ale zaraz im kiruje inšaja žančyna ŭ statusie «vykonvajučaj abaviazki».
Spravu Volhi Vasilonak, raspačatuju pavodle č.2 art. 19.11 KaAP, 27 žniŭnia razhladaŭ sud Viciebskaha rajona. Vynik sudu nie viadomy.
I heta druhi vypadak, kali daktaroŭ Sieńnienskaj CRB za «raspaŭsiud ekstremizmu» sudziać u inšym rehijonie. Mahčyma, heta robicca admysłova — kab nie pryciahvać uvahu miascovych žycharoŭ da ideałahičnaj raspravy nad pradstaŭnikami vielmi pavažanaj i deficytnaj prafiesii.
Biełarusa, jakomu Šviecyja admoviła ŭ prytułku, zatrymali na radzimie
Stała viadoma, pa jakim artykule sudziać historyka Ihara Mielnikava i što jamu pahražaje
U Hrodnie zatrymali viadučaha inžyniera-technołaha adnaho z pradpryjemstvaŭ horada