Kala miažy ź Biełaruśsiu atrymali ranieńni dva polskija vajskoŭcy
Polskija vajskoŭcy, zadziejničanyja ŭ apieracyi «Biaśpiečnaje Padlašša» pa ŭzmacnieńni achovy miažy ź Biełaruśsiu, atrymali ahniastrelnyja ranieńni ŭ vyniku niaščasnaha vypadku, paviedamili ŭ Apieracyjnym kamandavańni polskaha vojska.
28.08.2024 / 19:34
Incydent adbyŭsia pablizu nasielenaha punktu Nova Łuka ŭ Padlašskim vajavodstvie, niepadalok ad polska-biełaruskaj miažy.
Kala 18.45 27 žniŭnia «padčas pieradačy zbroi ŭ čas źmieny dziažurstva byli zroblenyja niekantralavanyja streły z tabielnaj zbroi». U vyniku adzin vajskoviec 1-ha tankavaha bataljona 18-j miechanizavanaj dyvizii byŭ paranieny ŭ nahu, a inšy — u palec.
Vajskoŭca, paranienaha ŭ nahu, na viertalocie dastavili ŭ špital u Biełastoku, druhi trapiŭ u špital u Hajnaŭku. Pahrozy žyćciu ŭ abodvuch vypadkach niama.
Sikorski: Biełaruś viedaje, što treba zrabić, kab adnosiny palepšali
Polšča zapatrabavała ŭ Biełarusi vydać zabojcu polskaha pamiežnika
Polski sałdat, paranieny mihrantam na biełaruskaj miažy, pamior
Na biełaruskaj miažy ciažka paranili polskaha sałdata