Sałat z harbuzom i nutam — recept
Harbuz — karol vosieni. Jaho dobra spałučać z krupami ci kuskusam. Dla sałataŭ lepš vykarystoŭvać samyja smačnyja sarty, takija jak muskatny harbuz ci chakajda. U ich ščylnaja miakać, i jany nie razvalvajucca paśla zapiakańnia.
07.09.2024 / 07:56
Fota: Mark O'meara / taste.com.au
Spatrebicca:
- 100 h piarłovych krupaŭ
- 250 h harbuza
- 2 stałovyja łyžki harbuzovaha nasieńnia
- 80 h nutu, pryhatavanaha abo kansiervavanaha
- žmienia rukały
- 50 h miakkaha kazinaha syru ŭ rulecie
Dla zapraŭki:
- 2 stałovyja łyžki aliŭkavaha aleju (30 h)
- 2 stałovyja łyžki ciomnaha balzamičnaha vocatu
- 1 čajnaja łyžka vadkaha miodu
- sol i pierac na smak
Jak hatavać:
- Piarłoŭku zvarycie zhodna ź instrukcyjaj na pakavańni.
- Miakać harbuza narazajem kubikami, vykładajem na blachu, zasłanuju papieraj dla vypiečki. Źlohku apyrskvajem aliŭkavym alejem. Vypiakajem pry tempieratury 200 hradusaŭ 20-30 chvilin.
- Nasieńnie absmažvajem na suchoj patelni. Drobna narazajem cybulu. Dadajom harbuz, cybulu, nut, rukału.
- Składniki zapraŭki źmiešvajem u šklancy, zakručvajem jaje i trasiom da ŭtvareńnia sousu.
- Sałat palivajem zapraŭkaj, aściarožna pieramiešvajem i pierakładvajem u talerku. Jaho možna zachoŭvać u ladoŭni ŭ ščylna začynienym kantejniery 2 dni, ale rukału treba dadavać śviežuju da kožnaj novaj porcyi.
Recept na vychadnyja. Harbuzovy sup — karysna, husta, ciopła
Krem-sup z harbuza z časnočnymi sucharykami
Sałat z kuskusam — strava prostaja, ale asablivaja