Bazavy sacyjalny taryf u sotavaj suviazi ŭviaduć z 1 krasavika 2025 hoda
Bazavy sacyjalny taryf dla nasielnictva sotavyja apieratary pavinny ŭvieści z 1 krasavika 2025 hoda, vynikaje z ukaza Łukašenki ad 26 žniŭnia № 335 «Ab akazańni pasłuh sotavaj ruchomaj elektrasuviazi», apublikavanaha na Nacyjanalnym pravavym internet-partale.
28.08.2024 / 22:43
U bazavy taryf, jak vyznačajecca ŭkazam, uvachodzić abjom chvilin hałasavoha trafiku va ŭsie sietki na terytoryi Biełarusi, abjom trafiku pieradačy danych i abjom SMS-paviedamleńniaŭ, jaki farmirujecca z hraničnym narmatyvam rentabielnaści 25%.
Akramia taho, ukazam praduhledžana, što apieratary sotavaj suviazi pavinny buduć addavać štohod nie mienš za 20% svajho prybytku dziaržavie. Hetyja hrošy majuć iści na realizacyju prajektaŭ pa raźvićci sietak sotavaj suviazi. Pieralik hetych prajektaŭ budzie vyznačać Ministerstva suviazi.
Zhodna z dakumientam, Saviet Ministraŭ da 1 studzienia 2025 hoda pavinien vyznačyć «patrabavańni da achopu terytoryi Biełarusi pasłuhami sotavaj suviazi i ich jakaści».
U Biełarusi źjavicca bazavy sacyjalny taryf na mabilnuju suviaź. Što heta takoje?
U Biełtelekam pryznačyli novaha dyrektara
Apieratara A1 aštrafavali za zavyšanyja ceny