Łukašenka skazaŭ ŚMI nie «valić» na jaho karyść, kali jon stanie kandydatam na vybarach
Alaksandr Łukašenka 29 žniŭnia pravodzić naradu pa ŚMI. Jana abviaščałasia jak zakrytaja, ale i adkrytaja jaje častka nasyčanaja. Havoračy z hałoŭnymi prapahandystami krainy, Łukašenka «aryjentuje» ŚMI nie «valić» na jaho karyść, kali jon stanie kandydatam na nastupnych prezidenckich vybarach, a «abjektyŭna pakazvać ludziam, što zroblena za minuły pieryjad», piša BIEŁTA
29.08.2024 / 12:52
«Ja, viadoma, udziačny ŭsim vam, što vy bieracie samyja aktualnyja temy našaha žyćcia. I mianie tam časam niadrenna pakazvajecie, — ścipła zaŭvažyŭ Łukašenka. — Dziakuj, viadoma. Ale nam treba budzie ŭ hetuju pieradvybarčuju kampaniju pakazać, čaho my dasiahnuli ŭ hety čas. I nam znoŭ nie treba kahości za vušy siudy ciahnuć.
Jość što pakazać ludziam. Tak, u nas jość niamała niedachopaŭ. Nu što zrabić … va ŭsich jany jość. Ale zroblena niamała, i treba heta ludziam pakazać. A ludzi chaj užo vyznačajuć, što im rabić, i kaho vybirać», — saryjentavaŭ jon.
Adznačyŭšy rolu biełaruskich dziaržSMI ŭ padrychtoŭcy pieradvybarnaj kampanii, Łukašenka skazaŭ, što nie varta chvalić tolki jaho.
«Valić na karyść dziejučaha prezidenta, kali jon budzie kandydatam, nam taksama nie treba. Spakojna treba pakazać toje, što jość», — skazaŭ jon.