Hrodzieniec ubačyŭ, jak čałaviek vylez z kanalizacyjnaha luka, i vyklikaŭ na jaho milicyju
Mužčynu ŭsio heta padałosia padazronym.
29.08.2024 / 13:59
Fota: s13.ru
Niezvyčajny zvanok pastupiŭ u dziažurnuju častku milicyi ŭ Hrodnie ranicaj. Haradžanin išoŭ pa vulicy i raptam ubačyŭ, jak čałaviek vyłazić z kanalizacyjnaha luka.
Haradziencu ŭsio heta padałosia padazronym, i jon vyrašyŭ patelefanavać u milicyju.
Ale nijakaha kryminału ŭ hetaj historyi siłaviki nie znajšli. Akazałasia, što niechta zabyŭsia začynić luk. Mužčyna hetaha nie zaŭvažyŭ i ŭpaŭ tudy.
Nijakich paškodžańniaŭ jon nie atrymaŭ, vylez z kanalizacyi i pajšoŭ dalej pa svaich spravach.