Ukrainskija drony atakavali Kałuhu
Adlehłaść da terytoryi Ukrainy składaje 300 km.
30.08.2024 / 08:47
Uzbrojenyja siły Ukrainy ranicaj 30 žniŭnia atakavali Kałuhu. Pra heta paviedamiŭ hubiernatar Kałužskaj vobłaści Uładzisłaŭ Šapša. «Na ŭskrainie horada Kałuha siłami SPA źniščana čatyry BPŁA. Na miescach źniščeńnia pracujuć apieratyŭnyja hrupy», — napisaŭ jon u telehram-kanale.
Aproč Kałužskaj, napadu padvierhnulisia Branskaja i Biełharadskaja vobłaści, a taksama akupavany Krym. Pa danych Minabarony RF, 11 dronaŭ było źbita ŭ niebie nad Branskaj vobłaściu, adzin — nad Biełharadskaj, dva — nad Krymam, piša The Moscow Times.
Biełharadski hubiernatar Viačasłaŭ Hładkoŭ u svaim telehram-kanale piša, što ŭ vyniku abstrełu ŭ dvuch žyłych damach byŭ prabity dach, jašče adzin dom poŭnaściu zhareŭ. Taksama było paškodžana pamiaškańnie sielhaspradpryjemstva. Nazvanyja razbureńni zafiksavany ŭ troch nasielenych punktach. Pavodle papiarednich źviestak, nichto nie paciarpieŭ, adznačyŭ Hładkoŭ.