U škołach Biełarusi buduć pravodzić «ranišnija filtry». Što heta takoje?
Daktary źbirajucca zmahacca z rostam prastudnych zachvorvańniaŭ paśla pačatku navučalnaha hoda.
30.08.2024 / 12:44
U biełaruskich škołach z pačatku navučalnaha hoda źbirajucca pravodzić «ranišnija filtry». Tak epidemijołahi nazvali apytańnie dziaciej ab stanie zdaroŭja.
Z pačatkam navučalnaha hoda prahnazujecca tradycyjny siezonny ŭzdym zachvorvańnia na vostryja reśpiratornyja infiekcyi, raspaviała namieśnik kiraŭnika Respublikanskaha centra hihijeny, epidemijałohii i hramadskaha zdaroŭja Ała Daškievič. Heta źviazana ź viartańniem dziaciej i studentaŭ paśla kanikuł, a taksama zaviaršeńniem adpačynkaŭ u darosłych, piša «SB».
Ministerstva achovy zdaroŭja płanuje ŭzmacnić praviadzieńnie sanitarna-supraćepidemičnych mierapryjemstvaŭ.
«Tak, buduć pravodzicca ranišnija filtry. Dziaciej i padletkaŭ buduć apytvać pra stan zdaroŭja. Pry najaŭnaści skarhaŭ, bačnych simptomaŭ zachvorvańniaŭ navučencam pamierajuć tempieraturu, taksama budzie praviedzieny bolš detalovy miedycynski ahlad. Akramia taho, budzie ŭzmocnieny kantrol za vykanańniem dziećmi i padletkami praviłaŭ asabistaj hihijeny», — raspaviała Daškievič.
Taksama asablivuju ŭvahu buduć nadavać školnamu charčavańniu.