Плывец Бокій заваяваў сваё 18-е золата на Паралімпійскіх гульнях
Беларускі плывец Ігар Бокій 30 жніўня заваяваў другое золата на Паралімпійскіх гульнях у Парыжы. Фінальны заплыў стометроўкі на спіне ён справіўся праплыць за 56,6 секунды.
30.08.2024 / 22:20
Ігар Бокій на парыжскім п'едэстале. Фота: Мінспорту Беларусі
Усяго ў актыве 30-гадовага інваліда па зроку з Бабруйска цяпер 18 залатых узнагарод Паралімпіяд. Акрамя таго, у яго ёсць яшчэ па адной срэбранай і бронзавай.
29 жніўня Ігар Бокій ўжо выйграў золата парыжскіх гульняў на дыстанцыі 100 м батэрфляем. Чарговы шанец на медаль ён будзе мець заўтра на дыстанцыі 400 м вольным стылем, разам з ім паплыве яшчэ адзін беларус — Яўген Кавалёнак.
Упершыню Бокій узяў удзел у Паралімпійскіх гульнях у 2012 годзе і адразу заваяваў пяць залатых медалёў. У 2016 годзе ў яго было 6 перамог, у 2020 годзе — пяць.
Беларускі плывец Ігар Бокій заваяваў золата на Паралімпійскіх гульнях у Парыжы. Яно для яго 17-е
На Паралімпіядзе ў Парыжы ад Беларусі будуць удзельнічаць восем спартоўцаў
Аляксей Талай здымаецца ў расійскім фільме пра вайну