Kolkaść paciarpiełych pry abstrele Charkava nabližajecca da 100, siem čałaviek zahinuli
31.08.2024 / 07:42
Fota: telehram Aleha Siniahubava
U vyniku ŭdaru pa Charkavu, naniesienym u piatnicu, pa stanie na dadzieny momant paciarpieli 97 čałaviek, ź ich 22 niepaŭnaletnich, zajaviŭ u telehramie kiraŭnik abłasnoj vajennaj administracyi Aleh Siniahubaŭ.
Siem čałaviek zahinuli, paviedamlaŭ Siniehubaŭ napiaredadni. Pavodle jaho źviestak, było piać avijacyjnych udaraŭ z susiedniaj Biełharadskaj vobłaści bojeprypasami UMPB D-30, jakija ŭpali ŭ piaci miescach u troch rajonach horada.
Siarod zahinułych — 14-hadovaja dziaŭčyna. U vyniku ŭdaru abrynułasia vierchniaja častka 12-paviarchovaha žyłoha doma ŭ industryjalnym rajonie.
Rasiejskija vajskoŭcy nie kamientavali abstreł Charkava. Rasijskija ŭłady ŭviečary ŭ piatnicu paviedamili pra piać zahinułych pry rakietnym abstrele Biełharada i Biełharadskaha rajona.