Pavieł Duraŭ na dopycie zajaviŭ, što supracoŭničaŭ z francuzskimi śpiecsłužbami
Vydańniu Libération stała viadoma, što ŭładalnik Telegram Pavieł Duraŭ na dopycie paśla svajho niadaŭniaha zatrymańnia zajaviŭ, što supracoŭničaŭ sa śpiecsłužbami Francyi i padtrymlivaŭ kantakty z supracoŭnikami Hałoŭnaha ŭpraŭleńnia ŭnutranaj biaśpieki.
31.08.2024 / 17:34
Fota: AOP.Press/Corbis via Getty Images
Pa słovach Durava, jamu byŭ adkryty aficyjny kanał suviazi z haračaj linijaj i śpiecyjalnym elektronnym adrasam, i heta dapamahło praduchilić niekalki teraktaŭ.
Jość taksama infarmacyja, što Duraŭ raniej sustrakaŭsia z pradstaŭnikami Hałoŭnaha ŭpraŭleńnia ŭnutranaj biaśpieki ŭ Dubai. Tady ž pradprymalnik nibyta skazaŭ, što niedarečna raskryvać źviestki, jakija źjaŭlajucca vajskovaj tajamnicaj. Što mienavita mieŭ na ŭvazie Duraŭ — nieviadoma.
Paśla zatrymańnia Duraŭ vykazaŭ hatoŭnaść da supracoŭnictva z francuzskimi pravaachoŭnymi orhanami. Padčas dopytu, jak pišuć žurnalisty, Duraŭ addaŭ svoj telefon siłavikam i daŭ dostup da jaho.
Paŭła Durava zatrymali 24 žniŭnia ŭ paryžskim aeraporcie Le-Burže. Jamu vystavili abvinavačańni ŭ 12 złačynstvach. 28 žniŭnia jon byŭ vyzvaleny z-pad varty pa rašeńni francuzskaha suda pad zakład u pamiery 5 miljonaŭ jeŭra.
Piaskoŭ: Pucin nikoli nie sustrakaŭsia z Paŭłam Duravym
Kab Duraŭ nie ŭciok z Francyi, u jaho zabrali ŭsie pašparty
Pakul Duraŭ siadzić, da jaho vykazała pretenzii vienhierskaja anlifanščyca Dyjana
Paŭłu Duravu vystavili abvinavačvańnie ŭ 12 złačynstvach
«Heta ni ŭ jakim razie nie palityčnaje rašeńnie». Makron prakamientavaŭ zatrymańnie Paŭła Durava
Pavieł Duraŭ paśla emihracyi ŭ 2014 hodzie byvaŭ u Rasii nie mienš za 50 razoŭ