Za bojeprypasy Pucin adździačyŭ Kim Čen Ynu parodzistymi końmi
Kiraŭnik RF Uładzimir Pucin adpraviŭ lidaru Paŭnočnaj Karei Kim Čen Ynu koniej parody arłoŭski rysak u jakaści častkovaj apłaty za artyleryjskija snarady dla vajny suprać Ukrainy. Pra heta piša The Times.
01.09.2024 / 08:18
Jak adznačaje vydańnie, tydzień tamu praz suchaputnuju miažu z Rasii ŭ KNDR byli pieraviezieny 24 koni — 19 žarabcoŭ i piać kabył.
Arłoŭskija rysaki — lubimaja paroda Kima, mienavita na takich koniach jon paŭstaje na prapahandysckich vyjavach. Paŭdniovakarejskija ŚMI paviedamili, što novaja partyja koniej źjaŭlajecca častkaj apłaty za paŭnočnakarejskija artyleryjskija snarady, adpraŭlenyja rasijskim vajskoŭcam dla vykarystańnia suprać Ukrainy.
Paśla padpisańnia ŭ červieni 2024 hoda Pucinym i Kimam «ŭsioabdymnaj damovy ab partniorstvie» paŭnočnakarejski kiraŭnik padaryŭ Pucinu sabak miascovaj parody pchunsan. Pucin u žniŭni adpraviŭ u Paŭnočnuju Kareju bolš za 400 koz.