Stała viadoma, što adkryjuć u HZC Palazzo zamiest H&M
U HZC Palazzo zamiest H&M adkryjuć fešn-choł z bolš jak 30 mahazinami biełaruskich brendaŭ. Hetaja modnaja prastora budzie nazyvacca Balance Store.
01.09.2024 / 12:46
U HZC Palazzo nieŭzabavie źjavicca modnaja prastora. Na płoščach, jakija raniej zajmaŭ mahazin H&M, adkryjecca Balance Store — fešn-choł, jaki abjadnaje bolš za 30 mahazinaŭ biełaruskich brendaŭ, piša Onliner.
Fešn-choł zojmie kala 1350 «kvadrataŭ» na druhim paviersie TRC Palazzo. Płaniroŭka modnaj prastory budzie zakalcavanaj — kab nivodny brend nie zhubiŭsia i abaviazkova paŭstaŭ pierad pozirkam naviedvalnikaŭ. U centry zaprajektavana zona čakańnia ŭ vyhladzie astraŭka ź miakkimi kanapami.
U Balance Store budzie šmat žanočaha adzieńnia, abutku, bializny, kupalnikaŭ i aksiesuaraŭ. Pobač pradstaviać mužčynskija brendy. U kožnaj kramie praduhledžana indyvidualnaja prymieračnaja. Ale budzie i adna vialikaja zona prymierki z art-lusterkami ŭ padłohu i miescami dla sełfi. Tut źjavicca funkcyja vykliku kansultanta. Pracavać heta budzie tak: čałaviek vybiraje niekalki madelaŭ z roznych kram i ŭ prymieračnaj pa čarzie vyklikaje pradstaŭnikoŭ brendaŭ, kab udakładnić detali (pry nieabchodnaści). Jany ž potym zabiaruć adzieńnie nazad.
Novuju prastoru płanujuć adkryć naprykancy kastryčnika.
Pa słovach pradstaŭnikoŭ Balance Store, kala pałovy miescaŭ užo zabraniravana. U pryjarytecie — biełaruskija brendy, jakija ruchajuć modnuju industryju napierad.
H&M zakryła kramy ŭ Biełarusi i Rasii ŭ 2022 hodzie.