U školnych padručnikach historyi raskažuć pra padziei 2020 hoda
A taksama raskažuć pra Usiebiełaruski narodny schod.
02.09.2024 / 06:51
Skrynšot videa ANT
Ministr adukacyi Andrej Ivaniec raspavioŭ u intervju ANT, jakoje adlustravańnie ŭ padručnikach pa historyi znajšli padziei 2020 hoda, piša BiełTA.
Pavodle słoŭ ministra, pierad tym jak vydać dla ŭsich škoł navučalny dapamožnik «Historyja Biełarusi ŭ kantekście suśvietnaj historyi» dla 10-ha kłasa, jaho letaś aprabavali ŭ 21 škole.
«I tyja škoły, jakija byli ŭ minułym hodzie ŭ piłocie, z 1 vieraśnia ŭ 11-m kłasie buduć vyvučać hety novy navučalny pradmiet pa novym padručniku dla 11-ch kłasaŭ. Tam budzie ŭ tym liku i najnoŭšy čas», — skazaŭ Andrej Ivaniec.
«Tam užo znajšli svajo adlustravańnie padziei 2020 hoda z usimi acenkami, čamu i chto chacieŭ ździejśnić dziaržaŭny pieravarot. Biezumoŭna, tam apisana i farmiravańnie Usiebiełaruskaha narodnaha schodu. Adziny dzień hałasavańnia tam taksama znajšoŭ adlustravańnie», — adznačyŭ ministr.