Supracoŭnika minskaj VNU padazrajuć u spakušeńni 13-hadovaj školnicy
Z zajavaj da pravaachoŭnikaŭ źviarnułasia maci 13-hadovaj dziaŭčynki. Žančyna raspaviała, što jaje dačku spakusiŭ darosły mužčyna, ź jakim taja paznajomiłasia na spabornictvach pa karate.
02.09.2024 / 09:30
Skryn videa MUS
Apieratyŭniki ŭ śfiery noravaŭ staličnaj milicyi zatrymali 29-hadovaha minčuka, jaki pracuje ŭ adnoj z vyšejšych navučalnych ustanoŭ stalicy.
Pavodle MUS, spačatku mužčyna vioŭ pierapisku ź dziaŭčynkaj u sacyjalnaj sietcy. Paśla jany damovilisia ab sustrečy. Z sakavika pa červień fihurant niekalki razoŭ ustupaŭ u pałavyja znosiny sa svajoj 13-hadovaj znajomaj. Zatrymany dakładna viedaŭ ab niepaŭnaletnim uzroście paciarpiełaj.
Raniej mužčyna nie traplaŭ u pole zroku pravaachoŭnikaŭ.