U DTZ pad Branskam zahinuŭ viadomy homielski fatohraf. Jamu byŭ 31 hod
31-hadovy fatohraf Alaksiej Smyk apošnim časam pracavaŭ u Branskim dramteatry. Chłopiec vyrašyŭ źjeździć dadomu ŭ Homiel i skarystaŭsia siervisam dla pošuku spadarožnikaŭ.
02.09.2024 / 11:13
31 žniŭnia aŭtamabil, u jakim jechaŭ Alaksiej, trapiŭ u aŭtakatastrofu: kiroŭca sprabavaŭ advieści aŭto ad sutyknieńnia z transpartnym srodkam, jaki jechaŭ napieradzie, ale pry vyjeździe na sustrečnuju pałasu sutyknuŭsia ź mikraaŭtobusam, raskazvaje «Homielskaja Viasna».
Aŭto paśla DZT, u jakim zahinuŭ Alaksiej Smyk
U DTZ zahinuŭ kiroŭca i dvoje pasažyraŭ, adzin ź jakich — Alaksiej Smyk.
Alaksiej byŭ viadomym u Homieli fatohrafam.