Źjaviłasia čarhovaje paćvierdžańnie, što prezidenckija vybary adbuducca 23 lutaha 2025 hoda
Užo zapłanavany navat hała-kancert.
02.09.2024 / 13:35
Fota: Ramil Sitdikov, Kremlin Pool Photo via AP
Jak stała viadoma «Biełpoł», łukašysty płanujuć pravieści «marafon adzinstva». Jaho daty — z 17 vieraśnia 2024 da 24 lutaha 2025. Heta paćviardžaje zdahadku, što prezidenckija vybary mohuć adbycca 23 lutaha. Aficyjna ich datu jašče nie abviaščali.
Daručeńnie pravieści taki marafon daŭ premjer-ministr Raman Hałoŭčanka 24 červienia 2024 hoda. Dalej za vykanańnie ŭziałosia Ministerstva kultury.
Siarod udzielnikaŭ arhkamiteta — niaviestka Łukašenki Hanna Łukašenka (jakaja piša pieśni pad psieŭdanimam Siałuk). Jana ž uznačalvaje i pracoŭnuju hrupu pa padrychtoŭcy hetaha marafona.
Hałoŭnym režysioram budzie Ahata Macko.
Užo prydumany i łahatypy da marafona.
Skončycca ŭsio hała-kancertam — jon zapłanavany na paniadziełak 24 lutaha 2025 hoda adrazu paśla dnia mierkavanych vybaraŭ.
«Biełpoł» nazvaŭ imaviernuju datu prezidenckich vybaraŭ 2025 hoda