Rasija pačała ŭžyvać drony, što kirujucca praz optavałakonny kabiel
Da takoj vysnovy pryjšoŭ analityk Bild, vyvučyŭšy videa źniščeńnia aŭstryjskaha BTR Bushmaster u Kurskaj vobłaści.
02.09.2024 / 14:05
Skrynšot videa
Ekśpiert Juljan Ropkie zaŭvažyŭ, što pierad udaram FPV-dron pa-majstersku abyšoŭ padpalenyja na darozie mašyny i ruchaŭsia pry hetym la samaj pavierchni asfaltu. Bieśpiłotnik pieradavaŭ apierataru vyjavu vielmi vysokaj jakaści.
Ropkie ličyć heta śviedčańniami taho, što bieśpiłotnik kiravaŭsia nie radyjosihnałam, a pa optavałaknovym kabieli.
Takija drony testujucca ŭ krainach Zachadu. U skryniu źmiaščajuć katušku z ŭltratonkim kabielem daŭžynioj da 10 km, jaki pryviazany da drona. Optavałakno dazvalaje dronam abyjści lubuju sistemu REB i pavysić dakładnaść z 20% da 95%.
Pavodle źviestak Bild, ciapier u adkrytym dostupie jość tolki try videa, jakija dakazvajuć vykarystańnie Rasijaj takich bieśpiłotnikaŭ. Tamu maštab prymianieńnia hetych sistem zastajecca niezrazumiełym.