Vieślara pazbavili miedala Paralimpijady z-za telefona
Džakoma Pieryni zaniaŭ treciaje miesca ŭ spabornictvach. Adnak paśla honki ŭ jahonaj sumcy znajšli telefon, i vyniki anulavali.
02.09.2024 / 14:19
Michael Reaves / Getty Images
Italjanski viaślar Džakoma Pieryni byŭ pazbaŭleny bronzavaha miedala Paralimpijskich hulniaŭ u Paryžy z-za telefona ŭ łodcy, paviedamlajecca na sajcie fiederacyi viesłavańnia Italii.
Paśla spabornictvaŭ u łodcy Pieryni byŭ znojdzieny telefon, jaki znachodziŭsia ŭ sumcy. Zhodna z praviłami, u łodcy nie pavinna być nijakich srodkaŭ suviazi.
«Jon byŭ vyklučany z pratakołu sudździoj, jaki, pravieryŭšy sumku Pieryni, kudy toj pakłaŭ vadu i asabistyja pradmiety, zaŭvažyŭ najaŭnaść smartfona, jaki jon mižvoli zabyŭsia vykłaści. Vyklučeńnie z pratakoła honki zasnavana na praviłach, jakija zabaraniajuć najaŭnaść na łodcy pryboraŭ, zdolnych padtrymlivać suviaź sa źniešnim śvietam», — havorycca ŭ tekście pres‑relizu.
U Italjanskaj fiederacyi viesłavańnia adznačyli, što spartoviec zabyŭsia vykłaści pryładu pierad startam i nie vykarystoŭvaŭ jaje dla suviazi.