Rasija kupiła ŭ Ruandy 300 kiło dalaraŭ
U studzieni 2024 hoda Rasija nabyła najaŭnych na sumu 29 młn dalaraŭ u afrykanskaj dziaržavy Ruanda. Pra heta śviedčać zakrytyja źviestki rasijskaj mytnaj statystyki, ź jakimi aznajomiłasia «Viorstka».
02.09.2024 / 14:40
U pastaŭcy byli banknoty naminałam 100 dalaraŭ. Zhodna z mytnaj dekłaracyjaj, ich ahulnaja vaha skłała 292,1 kh. Najaŭnyja hrošy nabyli ŭ ministerstva abarony Ruandy. Pakupnikom z boku Rasii vystupaŭ «Rasabaronekspart» — adziny dziaržaŭny pasiarednik pa handli pradukcyjaj vajskovaha pryznačeńnia.
Uhoda prajšła ŭ studzieni 2024 hoda — nieŭzabavie paśla taho, jak ZŠA zrabili bolš žorstkimi miery za abychod sankcyj u dačynieńni da Rasii.
Paśla pačatku vajny Rasija z-za sankcyj stała ŭvozić častku dołaravych banknot praz Turcyju i AAE, paviedamlała ahienctva Reuters.
ZŠA zabaranili pastaŭlać u Rasiju najaŭnyja dalary ŭ ramkach sankcyj praz poŭnamaštabnaje ŭvarvańnie va Ukrainu.