U Biełarusi zaćvierdzili pieralik vidaŭ ramiesnaj dziejnaści. U jaho nie ŭvajšoŭ vyrab śviečak i myła
Urad pryniaŭ pastanovu ab pieraliku vidaŭ ramiesnaj dziejnaści.
02.09.2024 / 15:14
Ilustratyŭny zdymak. Fota: «Naša Niva»
Pastanova ŭrada nabyvaje moc 1 kastryčnika. U pieralik uvajšli nastupnyja vidy dziejnaści:
- bondarstva,
- vyrab i ramont piačnoj dekaratyŭnaj kafli, saniej, pavozak i dziciačych sanak, vyrabaŭ ručnoha tkactva, viazańnia, vyšyŭki, makrame, karunkaplacieńnia i valeńnia, vyrabaŭ z dreva mastackaj apracoŭki, kuchonnaha invientaru, lalek, dekaratyŭnaha pano i roznaha rodu suvieniraŭ, vyrabaŭ z kamienia i kieramiki, vyrab biełaruskaha nacyjanalnaha kaściuma, nacyjanalnych muzyčnych instrumientaŭ,
- vyrab pražy,
- kavalskaja sprava,
- mastackaja apracoŭka i rośpis vyrabaŭ z dreva, kamienia, kości, skury, roha, mietału, kieramiki, faniery, pradstaŭlenych spažyŭcom.
Tymi vidami dziejnaści, jakija nie trapili ŭ pieralik, naprykład, vyrab viasielnych aksiesuaraŭ, śviečak, myła, možna zajmacca, ale ŭžo ŭ jakaści samastojnaj prafiesijnaj dziejnaści.